“Ica Bupe Kuli Yehova”

Bushe kuti twaya shani “ne ca bupe kuli Yehova lelo”? (1 Imila. 29:5, 9, 14) Pe samba pali nshila shalekanalekana isho twingasalapo nga tulefwaya ukupeela ubupe bwa kuitemenwa, ku kwafwilisha umulimo wa Nte sha kwa Yehova mu cifulo twikala nelyo mwi sonde lyonse.

UMUSANGULO BASANGWILAKO UKUBOMFYA INTANETI NELYO UO BASANGWILAKO MU TUBOKOSHI TWAMISANGULO ULAFWILISHA:

• 

  UMULIMO WA MWI SONDE LYONSE

  ukukuula e lyo no kuwamya amaofeshi ya musambo na maofeshi ya bakapilibula e lyo na fyonse ifikabilwa pali aya maofeshi

  amasukulu ya bulesa

  ababomba umulimo wa nshita yonse uwaibela

  ukwafwilisha abaponenwa na masanso

  ukupulinta impapulo, ukupanga amavidio, e lyo no kusabankanya impapulo pa webusaiti

• 

  ISHA CILONGANINO

  shilabomba ku fifwaikwa ukushita ifya kubomfya pa cilonganino e lyo no kulungisha ifileonaika ku Ng’anda ya Bufumu

  indalama shonse isho icilonganino casuminishanya ukutuma ku musambo ku:

  • makuule ya Mayanda ya Bufumu ne Fikuulwa fya Kulonganinapo ukulongana kukalamba mwi sonde lyonse

  • kwafwilisha abaponenwa na masanso

  • kwafwilisha imilimo na imbi mwi sonde lyonse

UKULONGANA KWA CITUNGU NO KWA MUPUTULE

Imisangulo musangwilako pa kulongana kwa citungu baituma ku mulimo wa mwi sonde lyonse. Kabili nga kuli ukulongana kwa citungu, ukwaibela e lyo na ukulongana kwa fyalo ifingi babomfya imisangulo ya mwi sonde lyonse pa kupekanya uku kulongana konse.

Imisangulo musangwilako pa kulongana kwa muputule shibomba ku kusonkela ifikabilwa pa cifulo ca kulonganinapo, ukuwamya ifileonaika pa cikuulwa ca kulonganinapo ukulongana kukalamba e lyo no kushita fyonse ifilekabilwa. Aba mu muputule kuti bapingulapo ukulatuma indalama shonse ishashalapo ku mulimo wa mwi sonde lyonse uwa Nte sha kwa Yehova.