“Isonde fye Lyonse Balelanda fye Ululimi Lumo Lwine”

11:1-4, 6-9

Yehova alifulungenye ululimi lwalelanda abantu abashalemumfwila abali pa Babele pa kuti abasalanganye. Nomba muno nshiku Yehova alelonganika bantu ukufuma mu nko shonse ne ndimi kabili alibapeela “ululimi ulwine lwine” pa kuti “balilile kwi shina [lyakwe], ukuti bamubombele no mutima umo.” (Sefa. 3:9; Ukus. 7:9) “Ululimi lwine lwine” cine pali Yehova e lyo ne fyo afwaya ukucitila abantu ifyaba muli Baibolo.

Pa kusambilila ululimi lumbi tatulingile fye ukusungila amashiwi ayapya. Lelo tulingile no kwaluka mu fyo tutontonkanya. E fyo caba na lintu tulesambilila ululimi lwine lwine, tulingile ukwalula amatontonkanyo yesu. (Rom. 12:2) Apo umuntu uulesambilila ululimi lwine lwine alatwalilila ukwalula amatontonkanyo yakwe, e cilenga abantu ba kwa Lesa baleba abaikatana.—1 Kor. 1:10.