Ifingatwafwa Ukulabila Bwino Imbila Nsuma—Ukubila Imbila Nsuma ku Bashimona

ICO CACINDAMINA: Abengi abashimona tabomfwa bwino ukulanda na bantu abo bashaishiba. Kanshi tukabila ukucenjela pa kuti tubile imbila nsuma ku bashimona. Na kuba Yehova alibika amano ku bantu abashimona. (Lebi 19:14) Na ifwe bene tulingile ukulaitendekelako ukwafwa abashimona ukuba ifibusa fya kwa Yehova nga filya fine acita.

IFYO MWINGACITA:

• ‘Mulefwaya’ abashimona. (Mat. 10:11) Bushe mwalishibako umo uwakwata lupwa uushimona? Bushe mu cifulo mubila imbila nsuma mwaliba amasukulu, umo basungila abakalamba nelyo ifikuulwa fimbi umo bengatemwa impapulo isho balembela impofu?

• Mulelanga ukuti mwalibabikako amano. Nga muli ne nsansa kabili mwalanga ukuti namubabikako amano, tabakatiine ukulanda na imwe. Kuti mwalanshanya nabo ilyashi ilyo abantu ku ncende mubilako imbila nsuma batemwa

• Mulebafwa mu fya kwa Lesa. Icilonganino ca kwa Lesa calipekanya impapulo mu misango iyalekanalekana pa kuti bafwe abashimwenekesha e lyo na bashimona. Kuti mwabepusha inshila bengatemwa ukulasambililamo Baibolo. Kangalila wa mulimo afwile ukushininkisha ukuti umubomfi wa mpapulo alemba impapulo uushimona alefwaya pali formu ya kuordelapo impapulo, alembapo no musango balefwaya