IFYO FWE BENA KRISTU TULINGILE UKULAIKALA

Muleicefya Abantu Nga Bamutasha

Inshita shimo nga twacita ifisuma abantu balatutasha nelyo ukutulumbanya. Tulomfwa bwino kabili tulakoseleshiwa nga ca kuti abatutasha batutasha ukufuma pa nshi ya mutima wabo. (Amapi. 15:23; 31:10, 28) Nomba nga tatucenjele nga batutasha kuti twatendeka ukumona kwati twalicila abantu bambi kabili kuti twaba ne cilumba.

TAMBENI VIDIO ITILA MULEBA ABA CISHINKA NGA FILYA YESU AALI—NGA BAMUTASHA, LYENA ASUKENI AMEPUSHO YAKONKAPO:

Finshi fimo ifyo abantu bengamutashishapo?
Bushe aba bwananyina baletasha shani ba Sam?
Mulandu nshi twingalandila ukuti ifyo balelanda pa kubatasha fyalicilile mu cipimo?
Finshi mulesambililako ku fyo munyinefwe Sam ali uwaicefya pa kwasuka abalemutasha?

Icikope icali muli vidio ya ‘Muleba Aba Cishinka Nga Filya Yesu Aali—Nga Bamutasha,’ apali ba Sergei ninshi bali ku ng’anda ya kwa munyinefwe baleyasuka ilyo babatashishe ukucila mu cipimo.