ICUMA ICABA MU CEBO CA KWA LESA | UKUFUMA 10-11

Ifyo Mose na Aarone Bacitile Fyalangile Ukuti Bali Abashipa Icine Cine

10:3-6, 24-26, 28; 11:4-8

Ilyo Mose na Aarone balelanda ne mfumu Farao iyali iya maka sana pali ilya nshita, balilangile ukuti bali abashipa icine cine. Cinshi calengele bashipe? Baibolo ilanda pali Mose ukuti: “Citetekelo calengele afume ku Egupti, lelo tatiinine icipyu ca mfumu, pantu atwalilile uwashangila kwati alemona Uushimoneka.” (Heb. 11:27) Mose na Aarone balishintilile sana pali Yehova kabili balimutetekele.

Finshi fingacitika ifingakabila ukuti mube abashipa ilyo mulelanda pa fyo mwasuminamo ku wa mu bulashi?

Ifikope: Ifingacitika ifingakabila ukuti mwaba abashipa. 1. Umulumendo naiminina ilyo bambi balepika salyuti ku mendela. 2. Munyinefwe naiminina mu cilye. 3. Munyinefwe wacaice alepeela umuntu trakiti ilyo alebila imbila nsuma ninshi na kapokola ali mupepi.