Ifyo Abena Kristu Bengasambililako ku Ca Kucilila

12:5-7, 12, 13, 24-27

Abena Israele balingile ukukonka fyonse ifyo Yehova abebele pa kuti icinkunka calenga 10 tacishile pali bena. (Ukufu. 12:28) Balingile ukuba mu mayanda yabo pamo ne ndupwa shabo icungulo bushiku pa Nisani 14. Na kabili babebele ukwipaya umwana wa mpaanga nelyo umwana wa mbushi uwa mwaka umo. Balingile no kusansa umulopa wa iyi nama pa nceshi sha minshi yabo na pa mwalo wa minshi. Lyena bali no koca inama yonse no kuilya lubilo lubilo. Takwali uwalingile ukufumina pa nse ya ng’anda yakwe mpaka ulucelo.—Ukufu. 12:9-11, 22.

Ni muli finshi umo icumfwila citucingilila muno nshiku?