Icacindama Sana Icali mu Cikuulwa ca Mushilo

25:9, 21, 22

Icipao ca Cipangano e cali icacindama sana pa fyali mu cikuulwa ca mushilo na mu nkambi ya bena Israele. Lesa alemonekela kuli bena mwi kumbi ilyaba pa kati ka bakerubi babili abali pa nkupiko ya Cipao ca Cipangano. Pa Bushiku bwa Kutuula Icifuta Mulandu ubwalebako ubushiku bumo mu mwaka, shimapepo aleingila mu Muputule wa Mushilo Nga Nshi kabili alesansa umulopa wa ng’ombe no wa mbushi pa ntanshi ya nkupiko, pa kuti afute imembu sha bena Israele. (Lebi 16:14, 15) Ifi shimapepo alecita fyali cinshingwa ca fyo Yesu Shimapepo Mukalamba ali no kucita ilyo aile ku muulu no kumonekela ku cinso ca kwa Yehova no kumupeela umutengo we lambo aishiletuula pano isonde.—Heb. 9:24-26.

Fwayeni ilembo ilili ku kuso ililingene ne fyebo ifili ku kulyo ifilelanda pa fyo tunonkelamo pa mulandu wa cilubula:

AMALEMBO

• 1 Yoh. 1:8, 9

• Heb. 9:13, 14

• Rom. 6:23

IFYO MWINGANONKELAMO

• ukwikala umuyayaya

• imembu shesu ukwelelwa

• ukukwata kampingu musuma

Kuti twacita shani pa kuti na ifwe tukakwate aya amapaalo?