Kampeni Yaibela Iikabako mu November Iikalenga Tukabile Sana pa Bufumu bwa kwa Lesa

Yesu alibilile “imbila nsuma iya bufumu bwa kwa Lesa.” (Luka 4:43) Na kabili alisambilishe abantu ukulapepela Ubufumu. (Mat. 6:9, 10) Mu November, tukabombesha apapela amaka yesu ukubila imbila nsuma pa Bufumu bwa kwa Lesa. (Mat. 24:14) Kanshi mukaipekanishishe libela pa kuti mukabombeko muli iyi kampeni. Bonse abakabomba bupainiya bwa kwafwilisha muli uyu mweshi kuti basalapo ukubomba ama-awala 30 nelyo 50.

Mukeshe na maka ukubelengelako abantu abengi ababa mu cifulo mubilamo imbila nsuma, ilembo limo ililanda pa Bufumu bwa kwa Lesa. Ilyo mulesala ilembo lya kubelengela abo bantu, muletontonkanya no ko abo bantu bapepa. Nga ca kuti umuntu amoneka kwati alefwaya ukukutika, mupeeleniko Ulupungu lwa kwa Kalinda ulwa bantu bonse Na. 2 ulwa mu 2020. Lyena mukabweleleko bwangu, kabili mukamone nga kuti mwatendeka isambililo lya Baibolo ukubomfya ulupapulo lwaba pa Mpapulo Tubomfya Sana pa Kusambilisha Abantu. Inshita isheleko ukuti Ubufumu bwa kwa Lesa bonaule amabuteko yonse naicepa sana. (Dan. 2:44; 1 Kor. 15:24, 25) Kanshi ili lishuko sana ilyo tukwete ilya kulanga ukuti tulatungilila Yehova no Bufumu bwakwe!