Ico Baletuulila Imituulo

1:3; 2:1, 12; 3:1

Ukulingana na Mafunde ya kwa Mose, abena Israele balingile ukulatuula amalambo nelyo imituulo. Aya amalambo nelyo imituulo yali no kulenga Yehova alesekelela. Na kabili yali cinshingwa ce lambo lya kwa Kristu, ne fyo lyali no kulenga abantu ukunonkelamo.—Heb. 8:3-5; 9:9; 10:5-10.

• Inama shonse isho abena Israele balingile ukutuula shalingile ukuba ishituntulu, ishi shalwala nelyo ukulemana. Ifi fine e fyo ne lambo lya kwa Yesu ilyali ilyapwililika lyali.—1 Pet. 1:18, 19; moneni icikope icili pa nkupo

• Nga filya fine balepeela umutuulo wa koca onse kuli Yehova, Yesu na o aliipeele onse kuli Yehova

• Nga filya fine bonse abalepeela umutuulo wa mutende kuli Lesa baleba pa mutende nankwe, e fyo na basubwa abalyako Umulalilo wa kwa Shikulu baba pa mutende na Lesa