ICUMA ICABA MU CEBO CA KWA LESA | UBWINA LEBI 4-5
Peeleni Yehova Ifyawamisha
Takwali umuntu nangu umo mu Israele uwali no kufilwa ukutuula umutuulo kuli Yehova pa mulandu wa bupiina. Nangu muntu umupiina sana alikwete amaka ya kutuula umutuulo kuli Yehova, kulila fye uyo mutuulo nauwamisha. Abapiina sana bali no kutuula ubuunga. Na lyo line, Yehova ale-enekela ukuti bali no kutuula ubuunga ubusuma sana ubwapeleka bwino, ubo balepeelako abeni abo bacindikishe. (Ukute. 18:6) Na muno nshiku mwine, Yehova afwaya tulemupeela ‘ilambo lya kumulumbanya’ ilyawamisha te mulandu ne fyo ifintu fyaba mu mikalile yesu.—Heb. 13:15.
Nga ca kuti tamulebomba nge fyo mwalebomba kale pa mulandu wa kulwalilila nelyo ukubulwa amaka, bushe ifi kuti fyamukoselesha shani ukutwalilila ukupeela Yehova ifyawamisha?