IFYO FWE BENA KRISTU TULINGILE UKULAIKALA

Mulekonka Ifyo Baibolo Ilanda pa Bwalwa

Icikope caciba muli vidio ya ‘Uletontonkanya pa Fingafumamo nga Wanwa.’ Insoka yafuma muli kapu ya bwalwa iyo umwaume ekete kabili naifumya na meno.

Abena Kristu bonse balingile ukuilama pa kuti balekonka ifyo Baibolo ilanda pa bwalwa. (Amapi. 23:20, 29-35; 1 Kor. 6:9, 10) Nga ca kuti Umwina Kristu asalapo ukunwa ubwalwa alingile ukunwa mukulinga. Na kabili alingile ukwesha apapela amaka pa kuti tafikile pa cipimo ca kuti nga tanwene ubwalwa te kuti abombe imilimo kabili talingile ukunwa ica kuti apunwisha na bantu. (1 Kor. 10:23, 24; 1 Tim. 5:23) Tatulingile ukupatikisha abantu maka maka abacaice ukunwa ubwalwa.

TAMBENI VIDIO YA TUKADOLI TWAKULENGA IITILA ULETONTONKANYA PA FINGAFUMAMO NGA WANWA, LYENA ASUKENI AMEPUSHO YAKONKAPO:

Cinshi Abena Kristu balingile ukulakonkela ifunde lilesha ukunwesha ubwalwa?—Rom. 13:1-4
Mulandu nshi tushilingile ukunwena ubwalwa pa mulandu wa kuti abantu baletupatikisha ukunwa?—Rom. 6:16
Finshi tulingile ukucita pa kuti tatukwete amafya ayo twingakwata nga tulenwesha ubwalwa?