mwb22 July ibu. 7
Bushe Ubupe Mupeela Bwaba nge Lambo?

Imikalile ya Bwina Kristu no Mulimo Tubomba—Akatabo ka Kubomfya pa Kulongana—2022

mwb22 July ibu. 7

ICUMA ICABA MU CEBO CA KWA LESA

Bushe Ubupe Mupeela Bwaba nge Lambo?

Davidi bamwebele ukupanga iciipailo apa kupumina ingano apa kwa Arauna (2 Sam. 24:18)

Arauna ali-itemenwe ukusangwilako impanga e lyo ne nama sha kutuula amalambo (2 Sam. 24:21-23)

Davidi talefwaya ukutuula amalambo ya koca ukwabula ukupoosapo icili conse (2 Sam. 24:24, 25; it-1-E ibu. 146)

Ifikope: Inshila twingatuulilamo ilambo. 1. Ababwananyina baleafwilisha ukukuula Ing’anda ya Bufumu. 2. Nkashi umukoloci alebika indalama mu kabokoshi ka musangulo. 3. Abaupana balebila imbila nsuma pali ka standi ka mpapulo. 4. Ababwananyina balebombako umulimo wa kwafwilisha abaponenwe na masanso.

Yehova alatemwa sana nga tuleitemenwa ukubomfya inshita yesu, amaka e lyo ne fyo twakwata ku kutungilila umulimo wa Bufumu. (w12 1/15 ibu. 18 para. 8) Finshi mwingapanga ukucita pa kuti ‘mulelumbanya sana Lesa?’—Heb. 13:15.