IFYO FWE BENA KRISTU TULINGILE UKULAIKALA

Ifyo Mwingasanga Ifyebo Ifingamwafwa pa JW.ORG

Icebo ca kwa Lesa cilatwafwa ukulashipikisha amafya tukwata muli shino inshiku sha kulekelesha kabili isha-afya. (2 Tim. 3:1, 16, 17) Na lyo line, inshita shimo kuti twafwaya ukwishiba ifya kusanga amashinte ya mafunde ya mu Baibolo ayo twingabomfya ku bwafya tukwete. Ku ca kumwenako, nga muli bafyashi abalekabila ubwafwilisho pa fyo mwingakusha bwino abana benu, nelyo nga muli bacaice kabili mule-eshiwa, nangu nga mwalifwilwa abena mwenu kabili muli no bulanda sana, kuti mwasanga ifyebo ifisuma pa jw.org. Ifi fyebo kuti fyamwafwa ukusanga amashinte ya mafunde ya mu Baibolo ayengamwafwa ukushipikisha aya amafya ukubikako fye na mafya yambi.—Amapi. 2:3-6.

Webusaiti ya jw.org pali tabuleti. Akalelangilila apatila AMASAMBILISHO YA MU BAIBOLO.

Nga mwaya pa jw.org, tinikeni apatila AMASAMBILISHO YA MU BAIBOLO. (Moneni icikope 1.) Nga mwatinikapo kuti mwasala ilyashi mwingatemwa ukubelenga. Nelyo kuti mwaya apatila IMPAPULO > AMALYASHI AYALEKANALEKANA lyena saleni ilyashi mwingatemwa ukubelenga. (Moneni icikope 2.) Ifi twalandapo kuti mwafisanga na mu JW Library^®.a Kanshi nga mulefwaya kuti mwaya pa jw.org nelyo JW Library^® pa kubelenga ifi ifipande. Inshila na imbi iyo mwingabomfya kulemba ilyashi mulefwaya, apa kufwaila ifyebo pa jw.org.

Webusaiti ya jw.org pali tabuleti. Akalelangilila apatila IMPAPULO na IFIPANDE FYALEKANALEKANA.

Lembeni ifyakonkapo apa kufwaila ifyebo, lyena mulembe ifipande ifyalaisapo ifyo mwingatemwa ukubelenga.

Ifya kukusha abana
Ifilenga abacaice ukulwala amasakamika
Imfwa ya bena mwenu

a Amalyashi yamo pali ino nshita yasangwa fye mu fipande fya pa jw.org.