ICUMA ICABA MU CEBO CA KWA LESA

Mufwile Ukusala Bwino Uwa Kuupana Nankwe

Solomone alyupile abanakashi abalepepa tulesa twa bufi (1 Isha. 11:1, 2; w18.07 ibu. 18 para. 7)

Abanakashi Solomone aupile balengele umutima wakwe watendeka ukufuma kuli Yehova panono panono (1 Isha. 11:3-6; w19.01 ibu. 15 para. 6)

Yehova alikalipe pa fyo Solomone acitile (1 Isha. 11:9, 10; w18.07 ibu. 19 para. 9)

Ifikope: Nkanshi umushimbe aleisambilisha Baibolo kabili aletontonkanya pali munyinefwe umushimbe. 1. Munyinefwe aleasukapo pa kulongana. 2. Munyinefwe alebila imbila nsuma ku cintubwingi. 3. Alebomba pa Ng’anda ya Bufumu.

Icebo ca kwa Lesa ceba Abena Kristu abashimbe ukuti bafwile ukuupilwa no kuupila fye “muli Shikulu epela.” (1 Kor. 7:39) Lelo tacipilibula ukutila umuntu nga alibatishiwa ninshi kuti aba umulume nelyo umukashi umusuma. Pa kwishiba nga ca kuti uo mulefwaya ukuupana nakwe alifye bwino, mufwile ukuyipusha ifi ifipusho: Bushe uyu muntu kuti alenga natwalilila ukubombela Yehova no mweo onse? Bushe ifyo acita filalanga ukuti alitemwa sana Yehova? Kanshi ilyo mushilasalapo ukuupana no muntu, mufwile ukumwishiba bwino.