Kokkinakis v. Greece: Droit réservé
Ukufuma pa muulu ku kuso: West Virginia State Board of Education v. Barnette; Kokkinakis v. Greece; Taganrog LRO and Others v. Russia; Cha and Others v. South Kore
IFYO FWE BENA KRISTU TULINGILE UKULAIKALA
“Ukucingilila no Kukosha Imbila Nsuma Ukulingana ne Funde”
Ilyo abantu bamo balefwaya ukulesha abena Israele ukukuula itempele, abalekuula balicitile ifyali no kulenga batwalilile ukukuula ukulingana ne funde. (Esra 5:11-16) Na muno nshiku mwine, Abena Kristu balesha apapela amaka yabo ukucingilila imbila nsuma ukulingana ne funde. (Fil. 1:7) Ici e calengele ukuti mu 1936 babikeko dipartimenti ilolekesha pa mafunde ne milandu ku maofeshi yakalamba. Muno nshiku Dipartimenti Ilolekesha pa Mafunde ne Milandu ku Maofeshi Yakalamba ilapekanya ukucingilila ifya Bufumu mwi sonde lyonse. Bushe iyi dipartimenti icita shani pa kucingilila ifya Bufumu, kabili abantu ba kwa Lesa banonkelamo shani?
TAMBENI VIDIO ITILA IFYO DIPARTIMENTI ILOLEKESHA PA MAFUNDE NE MILANDU KU MAOFESHI YAKALAMBA IBOMBA, LYENA LANSHANYENI AMEPUSHO YAKONKAPO:
Mafya nshi Inte sha kwa Yehova balekwata?
Milandu nshi twakwatapo iyo twacimfishe mu cilye? Landeni ica kumwenako.
Finshi cila muntu tulingile ukucita pa kuti ‘tulecingilila no kukosha’ imbila nsuma?
Nga twaya pa webusaiti yesu, ni pesa twingasanga amalyashi ayalanda pa milandu ya mu filye e lyo na mashina ya Nte sha kwa Yehova abo bakaka pa mulandu wa citetekelo cabo?