Kuti Mwacita Ifingalenga Ulupwa Lwenu Luleba ne Nsansa

Yehova afwaya indupwa shileba ne nsansa. (Amalu. 127:3-5; Luk. Mil. 9:9; 11:9) Na lyo line, pa mulandu na mafya yaba muli cino calo ne filubo ifyo aba mu lupwa bengacita, kuti fyalenga twaleka ukuba ne nsansa mu lupwa. Finshi umo na umo mu lupwa engacita pa kuti mu lupwa muleba insansa?

Umulume alingile ukulacindika umukashi wakwe. (1 Pet. 3:7) Alingile ukulaba pamo nankwe. Tenekela umwina mwakwe ukucita ifyo ashingakumanisha kabili alatasha pa fyo umukashi amusakamana na pa fyo asakamana ulupwa lwakwe. (Kol. 3:15) Alacita ifilanga ukuti alitemwa umukashi wakwe kabili alamutasha.—Amapi. 31:28, 31.

Umukashi afwile ukulatungilila umulume wakwe. (Amapi. 31:12) Afwile ukulanakila umulume wakwe no kubombela pamo nankwe. (Kol. 3:18) Afwile ukuba ne cikuuku ilyo alelanda nankwe na lintu alelanda pali ena ku bantu bambi.—Amapi. 31:26.

Abafyashi bafwile ukulaba pamo na bana babo. (Amala. 6:6, 7) Bafwile ukulaeba abana babo ukuti balibatemwa. (Mat. 3:17) Ilyo balebasalapula, balalanga ukuti balibatemwa kabili baleluka.—Efes. 6:4.

Abana bafwile ukulacindika abafyashi babo no kulabanakila. (Amapi. 23:22) Bafwile ukulaeba abafyashi babo ifyo baletontonkanya ne fyo baleumfwa. Bafwile ukulakonka ifyo abafyashi babo balebafunda no kulacita ifilanga ukuti balibacindika.—Amapi. 19:20.

TAMBENI VIDIO ITILA MULECITA IFINGALENGA MU LUPWA MWABA INSANSA, LYENA ASUKENI ICI ICIPUSHO:

Finshi cila muntu mu lupwa acicita ifyacilenga mu lupwa mwaba insansa?