Watchtower LAIBRARE YA PA INTANETI
Watchtower
LAIBRARE YA PA INTANETI
Cibemba
  • BAIBOLO
  • IMPAPULO
  • UKULONGANA
  • w20 May amabu. 8-11
  • Imfumu Shibili Ishilwishanya mu Nshita ya Mpela

Vidio mulefwaya tamuli

Mukwai yafilwa ukutambika

  • Imfumu Shibili Ishilwishanya mu Nshita ya Mpela
  • Ulupungu lwa kwa Kalinda (Ulwa Kusambililamo)—2020
  • Ifipalileko
  • “Imfumu ya ku Kapinda ka ku Kuso” mu Nshita ya Mpela
    Ulupungu lwa kwa Kalinda (Ulwa Kusambililamo)—2020
  • Yehova Asokolola “Ifili No Kucitika Bwangu Bwangu”
    Ulupungu lwa kwa Kalinda—2012
  • Ni Bani Bemininako “Imfumu ya ku Kapinda ka ku Kuso” Pali ino Nshita?
    Ulupungu lwa kwa Kalinda (Ulwa Kusambililamo)—2020
  • Inkama ya Kupuutamo Mwenso Yapikululwa
    Ukusokolola—Akalume ka Kuko Kakalamba Nakapalama!
Moneni na Fimbi
Ulupungu lwa kwa Kalinda (Ulwa Kusambililamo)—2020
w20 May amabu. 8-11

Imfumu Shibili Ishilwishanya mu Nshita ya Mpela

Amasesemo yamo ayo balandilepo pali ino charti yalelanda pa fyacitike pa nshita imo ine. Amasesemo yonse aya yalelanga fye apabuuta tuutu ukuti tuleikala mu “nshita ya ku mpela.”—Dan. 12:4.

Charti iilelanga amasesemo na mabuteko ayemininako imfumu ya ku kapinda ka ku kuso ne ya ku kapinda ka ku kulyo ukufuma mu 1870 ukufika muno nshiku.
  • Charti ya kubalilapo, ilelanga amasesemo ayalefikilishiwa pa nshita imo ine mu nshita ya ku mpela, ukufuma mu 1870 ukufika mu 1918. Imyaka ukutendekela mu 1914 e nshita ya ku mpela. Ubusesemo bwa kubalilapo: Iciswango ca nsengo 7 ico balangile pa charti; ilyo umwaka wa 1870 ushilafika. Mu nkondo ya Calo iya Kubalilapo, umutwe walenga 7 uwa ciswango baucena. Ukutendekela mu 1917, umutwe walenga 7 wapola, kabili ne ciswango na co capola. Ubusesemo bwalenga bubili: Imfumu ya ku kapinda ka ku kuso ne ya ku kapinda ka ku kulyo shaishibikwa mu 1870. Icalo ca Germany e caishileba imfumu ya ku kapinda ka ku kuso iipya mu 1871. Pa kubalilapo icalo ca Great Britain e cali imfumu ya ku kapinda ka ku kulyo, lelo mu 1917 ubuteko Bwakwatisha Amaka ubwa Anglo-America e bwaishileba imfumu ya ku kapinda ka ku kulyo. Ubusesemo bwalenga butatu: Ukutendekela muli ba 1870, Charles T. Russell na banankwe e bali ‘inkombe.’ Ukutendekela mu 1881, magazini ya ‘Zion’s Watch Tower’ yalikoseleshe abantu ukulabila imbila nsuma. Ubusesemo bwalenga bune: Ukutendekela mu 1914, inshita ya kulobolola. Ifyani bafilekanya ne ngano. Ubusesemo bwalenga 5: Ukutendekela mu 1917 ifyo amakasa ya cela ne bumba yemininako fyaishibikwa. Charti ilelanga ne fyalecitika mu Nkondo ya Calo iya Kubalilapo iyatendeke mu 1914 kabili iyapwile mu 1918. Ifyalecitika ifyakumine abantu ba kwa Yehova: Ukufuma mu 1914 ukufika mu 1918, Abasambi ba Baibolo mu Britain na mu Germany babakaka. Mu 1918, bamunyinefwe aba ku maofeshi yakalamba mu United States babapoosa mu cifungo.
    Ubusesemo bwa kubalilapo.

    Ilembo Ukus. 11:7; 12:13, 17; 13:1-8, 12

    Ubusesemo “iciswango” caliteka abantu pa myaka ukucila 3,000. Mu nshiku sha kulekelesha umutwe walenga 7 uwa ici ciswango baliucenene. Ilyo papitile inshita walipolele kabili ‘bonse aba pe sonde’ balitendeke ukukonka iciswango. Satana abomfya ici ciswango ‘ku kulwa na abashalapo.’

    Ukufikilishiwa Pa numa ya Lyeshi, amabuteko ayapatile Yehova yalitendeke ukuteka abantu. Ilyo papitile imyaka ukucila pali 3,000 ubuteko bumo pa mabuteko yakwatishe amaka, e kutila ubuteko bwa Britain balibupokele amaka ilyo kwali Inkondo ya Calo iya Kubalilapo. Lelo bwalishilekwata amaka na kabili ilyo bwaumene akapi no buteko bwa America. Mu nshita ya ku mpela, Satana alabomfya amabuteko yonse aya pano isonde pa kucusha abantu ba kwa Lesa.

  • Ubusesemo bwalenga bubili.

    Ilembo Dan. 11:25-45

    Ubusesemo Mu nshita ya ku mpela imfumu ya ku kapinda ka ku kuso ne ya ku kapinda ka ku kulyo shilalwishanya.

    Ukufikilishiwa Ubuteko bwa Germany bwalelwisha ubuteko bwa Anglo-America. Mu 1945, ubuteko bwa Soviet Union na mabuteko ya fyalo ifyalebombela pamo nabo yaishileba imfumu ya ku kapinda ka ku kuso. Mu 1991, ubuteko bwa Soviet Union bwaliwile, kabili ilyo papitile inshita ubuteko bwa Russia na mabuteko ya fyalo ifibombela pamo nabo yaishileba imfumu ya ku kapinda ka ku kuso.

  • Ubusesemo bwalenga butatu.

    Amalembo Esa. 61:1; Mal. 3:1; Luka 4:18

    Ubusesemo Yehova alitumine “inkombe” ku ‘kuwamya inshila’ ilyo Ubufumu bwa bu Mesia tabulapangwa. Iyi inkombe yatendeke ukubila “imbila nsuma ku bafuuka.”

    Ukufikilishiwa Ukutendekela mu 1870 munyinefwe C.  T.  Russell na banankwe balibombeshe pa kusambilila Baibolo pa kuti beshibe icine. Mu 1881, baishileishiba ukuti ababomfi ba kwa Lesa balingile ukulabila imbila nsuma. Balisabankenye ifipande fyalelanda pa kubila imbila nsuma pamo nge caleti: “Bakashimikila 1,000 Balefwaikwa” ne caleti “Abasubwa ku Kushimikila.”

  • Ubusesemo bwalenga bune.

    Ilembo Mat. 13:24-30, 36-43

    Ubusesemo Umuntu atanda ingano mwi bala, lyena umulwani aisatandamo ifyani. Ifyani fyakula kabili fyafimbilikisha ingano. Pa nshita ya kulobolola ifyani bafipaatula ku ngano.

    Ukufikilishiwa Ukutendeka mu 1870, Abena Kristu ba cine na Bena Kristu ba bufi balishibikwe. Mu nshita ya ku mpela Abena Kristu ba cine balilonganikwe mu cilonganino kabili balipaatwilwe ku Bena Kristu ba bufi.

  • Ubusesemo bwalenga 5.

    Ilembo Dan. 2:31-33, 41-43

    Ubusesemo Amakasa ayatobenkanamo icela ne bumba aya cimpashanya icapangwa ne fyela fyalekanalekana.

    Ukufikilishiwa Ibumba, limininako abantu yaweyawe abo ubuteko bwa Anglo-America buteka abalwisha ubu buteko pa kuti bakwate insambu shabo. Pa mulandu ne fyo aba bantu bacita, ubu ubuteko bulafilwa ukubomfya sana amaka nelyo ukuba ubwakosa sana nga filya icela cakosa.

  • Charti yalenga bubili, ilelanga amasesemo ayalefikilishiwa pa nshita imo mu nshita ya ku mpela ukufuma mu 1919 ukufika mu 1945. Ubuteko bwa Germany e bwaleimininako imfumu ya ku kapinda ka ku kuso ukufika mu 1945. Ubuteko Bwakwatisha Amaka ubwa Anglo-American e bwaishileba imfumu ya ku kapinda ka ku kulyo. Ubusesemo bwalenga 6: Mu 1919, Abena Kristu basubwa babasangulula. Ukutendekela mu 1919, umulimo wa kubila imbila nsuma wabombwa sana kabili watwalilila. Ubusesemo bwalenga 7: Mu 1920, akabungwe ka League of Nations kapangwa kabili katwalilila ukubako mpaka ilyo Inkondo ya Calo iya Cibili yatendeke. Fimbi ifili pali charti: Ubusesemo bwa kubalilapo, iciswango ca mitwe 7 catwalilila ukubako. Ubusesemo bwalenga 5 amakasa ya cela ne bumba yatwalilila ukubako. Ifyalecitika mu Nkondo ya Calo iya Cibili iyatendeke mu 1939 kabili iyapwile mu 1945. Ifyalecitikila abantu ba kwa Yehova: Ukufuma mu 1939 ukufika mu 1945, ba Nte ukucila pali 11,000 balibakakile mu Germany. Ukufuma mu 1939 ukufika mu 1945, ba Nte mupepi na 1,600 balibakakile mu Britain. Ukufuma mu 1940 ukufika 1944, ba Nte mu United States balibasanshile pa miku ukucila pali 2,500.
    Ubusesemo bwalenga 6.

    Ilembo Mat. 13:30; 24:14, 45; 28:19, 20

    Ubusesemo “Ingano” bashilonganika mu “butala” kabili “umusha wa cishinka kabili uwashilimuka” asontwa ukuba kangalila pa “ba mu ng’anda.” “Imbila nsuma . . . iya bufumu” yatendeka ukubilwa “ku bantu bonse aba pe sonde.”

    Ukufikilishiwa Mu 1919 umusha wa cishinka alisontelwe. Ukutula ulya mwaka abasambi ba Baibolo balebila sana imbila nsuma. Muno nshiku Inte sha kwa Yehova balabila imbila nsuma mu fyalo ukucila pali 200, kabili balapeela abantu impapulo ishilanda pali Baibolo mu ndimi ukucila 1,000.

  • Ubusesemo bwalenga 7.

    Amalembo Dan. 12:11; Ukus. 13:11, 14, 15

    Ubusesemo Iciswango ca nsengo shibili cile-eba abantu ukupanga “icimpashanya ca ciswango” no “kupuuta umupu wa mweo mu cimpashanya.”

    Ukufikilishiwa Ubuteko bwa Anglo-America e bwali pa ntanshi mu kupanga akabungwe ka League of Nations. Ifyalo na fimbi fyalingiile muli aka akabungwe. Mu kupita kwa nshita, imfumu ya ku kapinda ka ku kuso nayo yalingiile muli aka kabungwe ukufuma mu 1926 ukufika mu 1933. Abantu abengi balemona kwati aka kabungwe kali no kulenga mwi sonde lyonse mwaba umutende, lelo Ubufumu bwa kwa Lesa e bwingalenga fye pano isonde paba umutende. Ifi fine e fyo abantu batontonkanya na pa kabungwe ka United Nations (UN).

  • Charti yalenga butatu, iilelanga amasesemo ayalefikilishiwa pa nshita imo ine mu nshita ya ku mpela ukufuma mu 1945 ukufika mu 1991. Ubuteko bwa Soviet Union ne fyalo ifyalebombela pamo nabo e baleimininako imfumu ya ku kapinda ka ku kuso mpaka mu 1991, lyena ubuteko bwa Russia na mabuteko ayabombela pamo nabo e baishileba imfumu ya ku kapinda ka ku kuso. Ubuteko Bwakwatisha Amaka ubwa Anglo-America e bwaishileba imfumu ya ku kapinda ka ku kulyo. Ubusesemo bwalenga 8: Ibomba lya maka sana lyapuulika kabili lyafumya icushi icingi nga nshi, ukulangilila ifyo ubuteko Bwakwatisha Amaka ubwa Anglo-America bwaonawile ifintu ifingi. Ubusesemo bwalenga 9: Akabungwe ka United Nations kalipangilwe mu 1945, e kapyene pa kabungwe ka League of Nations. Fimbi ifili pali charti: Ubusesemo bwa kubalilapo, iciswango ca mitwe 7 catwalilila ukubako. Ubusesemo bwalenga 5, amakasa ya cela ne bumba yatwalilila ukubako. Ubusesemo bwalenga 6, mu 1945 bakasabankanya balicilile pali 156,000. Mu 1991, bakasabankanya bacila pali 4,278,000. Ifyacitikiile abantu ba kwa Yehova: Ukufuma mu 1945 ukufika muli ba 1950, ba Nte abengi nga nshi mu Soviet Union babapatikisha ukuya ku Siberia.
    Ubusesemo bwalenga 8.

    Ilembo Dan. 8:23, 24

    Ubusesemo Imfumu ya cinso icikali “ikonaula mu cipesha amano.”

    Ukufikilishiwa Ubuteko bwa Anglo-America bwalipaya abantu abengi nga nshi kabili bwalyonaula ifintu ifingi. Ku ca kumwenako, ilyo kwali Inkondo ya Calo iya Cibili ubuteko bwa America bwaliponeshe amabomba ya maka pa calo icali icilwani ca buteko bwa Anglo-America. Takwatalile akuba amabomba ayaonawile ifintu ifingi nga nshi ukucila ifyo aya mabomba yaonawile.

  • Ubusesemo bwalenga 9.

    Amalembo Dan. 11:31; Ukus. 17:3, 7-11

    Ubusesemo “Iciswango icakashika ce” ica nsengo 10 cafuma mu cilindi cabula impela, kabili ici iciswango ni mfumu yalenga 8. Baibolo mwi buuku lya kwa Daniele ita iyi imfumu ukuti “ica bunani kabili ica bonaushi.”

    Ukufikilishiwa Akabungwe ka League of Nations kaliwile ilyo kwali Inkondo ya Calo iya Cibili. Pa numa ya iyi inkondo, akabungwe ka UN ‘kalimikwe.’ Abantu balapeela akabungwe ka UN umucinshi nga filya fine balecita ku kabungwe ka League of Nations. Uyu mucinshi e o balingile uku-upeela ku Bufumu bwa kwa Lesa. Akabungwe ka UN kakasansa ifilonganino fya mapepo.

  • Charti yalenga 4, iilelanga amasesemo ayafikilishiwa pa nshita imo ine mu nshita ya ku mpela ukufuma muno nshiku ukufika ku nkondo ya Armagedone. Ubuteko bwa Russia ne fyalo ifibombela pamo nabo e bemininako imfumu ya ku kapinda ka ku kuso. Ubuteko Bwakwatisha Amaka ubwa Anglo-American e bwimininako imfumu ya ku kapinda ka ku kulyo. Ubusesemo bwalenga 10: Intungulushi shabilisha ukuti kuli ‘umutende no mutelelwe.’ Lyena ubucushi bukalamba bwatendeka. Ubusesemo bwalenga 11: Inko shasansa utubungwe twa mipepele ya bufi. Ubusesemo bwalenga 12: Amabuteko yasansa abantu ba kwa Lesa. Abasubwa abakaba pe sonde babalonganikila ku muulu. Ubusesemo bwalenga 13: Armagedone. Uwaikala pali kabalwe wa buuta apwishishisha ukucimfya kwakwe. Iciswango ca mitwe 7 baconaula; ilibwe lyashonaula amakasa ya cela ne bumba aya cimpashanya. Fimbi ifili pali charti: ubusesemo bwa kubalilapo, iciswango ca mitwe 7 catwalilila ukubako mpaka pa Armagedone. Ubusesemo bwalenga 5, amakasa ya cela ne bumba yatwalilila ukubako mpaka pa Armagedone. Ubusesemo bwalenga 6, pali ino nshita bakasabankanya balicila pali 8,580,000. Ifyalecitikila abantu ba kwa Yehova: Mu 2017, ubuteko bwa Russia bwakaka ba Nte mu fifungo kabili bwapoka ne fikuulwa fya maofeshi ya musambo.
    Ubusesemo bwalenga 10 na 11.

    Amalembo 1 Tes. 5:3; Ukus. 17:16

    Ubusesemo Inko shabilisha ukuti “umutende no mutelelwe,” kabili “insengo ikumi (10) ne ciswango” fikasansa “cilende” no kumwipaya. Lyena inko shikonaulwa.

    Ukufikilishiwa Ifyalo fikaitunga ukuti nafilenga kwaba umutende no mutelelwe. Lyena ifyalo ifyaba mu kabungwe ka UN fikonaula ifilonganino fya mapepo fyonse ifya bufi. Iyi ikaba ni ntendekelo ya bucushi bukalamba. Ubu ubucushi bukapwa ilyo Yesu akonaula icalo ca kwa Satana conse mu nkondo ya Armagedone.

  • Ubusesemo bwalenga 12.

    Amalembo Esek. 38:11, 14-17; Mat. 24:31

    Ubusesemo Goge aingila mu calo ca bantu ba kwa Lesa. Lyena bamalaika balonganika “abasalwa.”

    Ukufikilishiwa Imfumu ya ku kapinda ka ku kuso ikabombela pamo na mabuteko yambi pa kusansa abantu ba kwa Lesa. Ilyo bakatendeka ukusansa abantu ba kwa Lesa, abasubwa abakaba pe sonde pali ilya nshita bakabalonganikila ku muulu.

  • Ubusesemo bwalenga 13.

    Amalembo Esek. 38:18-23; Dan. 2:34, 35, 44, 45; Ukus. 6:2; 16:14, 16; 17:14; 19:20

    Ubusesemo “Uwaikele” pali “kabalwe uwabuuta” apwishishisha “ukucimfya kwakwe” pa konaula Goge na bashilika bakwe. “Iciswango” ‘capooswa muli bemba wa mulilo’ kabili ilibwe lyashonaula icimpashanya icikalamba.

    Ukufikilishiwa Yesu imfumu ya Bufumu bwa kwa Lesa akapususha abantu ba kwa Lesa. Pa konaula inko ishikomana akapi pa kusansa ababomfi ba kwa Lesa, Yesu akabombela pamo na ba 144,000 abo akalateka nabo e lyo na bamalaika. Iyi ikaba e mpela ya calo ca kwa Satana.

    Impapulo sha mu Cibemba (1982-2025)
    Isaleni
    Isuleni
    • Cibemba
    • Peleniko Bambi
    • Ifyo Mwingasala
    • Copyright © 2025 Watch Tower Bible and Tract Society of Pennsylvania
    • Ifya Kubomfya
    • Amafunde Yesu
    • Privacy Settings
    • JW.ORG
    • Isuleni
    Peleniko Bambi