Mulesambililako ku Fikope

Mu mpapulo shesu mulaba ifikope ifingi ifitusambilisha ifishinka ifikalamba. Kuti mwacita shani pa kuti mulesambililako ifingi ku fikope?

• Mulepituluka mu fikope ilyo mushilatendeka ukubelenga icipande. Ifikope kuti fyalenga mwalafwaisha ukubelenga icipande. Nga filya fine caba na ku fya kulya, amenso e yabalilapo “ukusonda.” E ico muleyipusha amuti, ‘Finshi ndemona mu fikope?’—Amose 7:​7, 8.

• Ilyo mulebelenga icipande, muletontonkanya pa co babikilemo ifikope. Mulebelenga amashiwi ayaba pa fikope, na mashiwi ayaba palya apatila, ubulondoloshi bwa cikope. Muletontonkanya pa fyo ifikope fyampene ne lyashi ilyo balelandapo mu cipande, na pa fyo mwingalakonka ifyo mwasambililako ku fikope.

• Nga mwapwisha ukubelenga icipande, mulelolesha pa fikope na kabili pa kuti mwibukishe ifishinka ifikalamba ifili mu cipande. Lyena mule-esha ukwibukisha ifikope e lyo ne fyo musambilile kuli ifyo fikope.

• Bushe te kuti ciwame mwapituluka mu fikope ifili muli ino magazine na kabili, pa kuti mumone nga kuti mwaibukisha ifishinka ifyo mwasambilile mu fipande ifilimo?