Ifyacitike Umwaka Wapwile

Yehova Lesa aebele kasesema Esaya ukusobela ukuti: “Apali umukuba nkabikapo golde, na pali icela nkabikapo silfere, apali ifimuti nkabikapo umukuba, na pali amabwe nkabikapo icela.” (Esa. 60:17) Muli uyu mwaka wapwile, twalimwene ubushininkisho ubwalelanga ukuti ubu busesemo buletwalilila ukufikilishiwa. Filya fine kuba ukulunduluka nga mwafumyapo icintu icishali bwino no kupyanikapo icisuma, e fyo ne Nte sha kwa Yehova balunduluka muli ino inshita ya mpela pantu baliwamyako ifyo ifintu filingile ukubombwa mu cilonganino ca kwa Lesa ica mwi sonde lyonse.—Mat. 24:3.