2016 Ilembo Lya Mwaka

‘Abengi . . . bakapatana. . . . Ukutemwa kwa bengi kukacepa.” (Mat. 24:10, 12) Aya amashiwi ayo Yesu alandile yalelanga ifyo abantu baali no kupatana ilyo umusumba wa Yerusalemu wali mupepi no konaulwa mu 70 C.E. Lelo abasambi ba kwa Kristu bena baali no kwishibikilwa ku kutemwana. (Yoh. 13:35) Ala Abena Kristu AbaHebere abali mu Yerusalemu bafwile balitemenwe nga nshi ilyo babelengele amashiwi ayo Paulo abalembeele aya kubatasha pa fyo balelanga ukutemwa no kubakoselesha ukuti batwalilile ukulatemwana!

Pali ino nshita twalishiba ukuti icalo ca kwa Satana cili mupepi sana no konaulwa. Kanshi nga filya fine cali ku Bena Kristu ba kubalilapo, na ifwe bene twikala mu calo umo abantu baitemwa, batemwa indalama, batemwa ukwangala kabili tabatemwa Lesa na bantu banabo. (2 Tim 3:1-4) Na lyo line, Inte sha kwa Yehova mwi sonde fye lyonse balitemwana icine cine. E ico, natutwalilile ukulalumbanya Yehova uwaba no kutemwa ilyo tuletwalilila ukutemwa aba bwananyina.