Ifyo Mwingacita nga ca Kuti Mulaba no Bulanda pa Mulandu wa Kukanaba na Bantu

Bushe mulaba no bulanda pa mulandu wa kukanaba na bantu? Nga ca kuti mulaba no bulanda, nalimo mumfwa nga kemba wa malumbo uwatile: “Nashala nge cuni icatalalilwa icili ceka pa mutenge.” (Amalumbo 102:7) Baibolo kuti yamwafwa ukwishiba ifyo mwingacita nga ca kuti muleba no bulanda pa mulandu wa kuti tamuleba na bantu nga fintu cali kale.

• Mulekosha bucibusa bwenu na Lesa

• Mulebelenga amalembo ya mu Baibolo ayengamukoselesha

• Mulesambilila pa cilelenga ifyabipa filecita mu calo

• Mwilasakamikwa sana na pa tuntu utunono

• Mulepanga ifibusa

• Muletukusha umubili

Mulekosha bucibusa bwenu na Lesa

Kuti mwaba ne nsansa na lintu mushileba na bantu, nga ca kuti mwaishiba ukuti mulingile ukwishiba Lesa kabili nga mwacitapo na fimo pa kuti mu mwishibe. (Mateo 5:3, 6) Ifili pe samba nalimo kuti fyamwafwa ukutendeka ukusambilila pali Lesa.

• Baibolo ya pa Intaneti iyapilibulwa bwino kabili iya-anguka ukubelenga

• Isambililo lya Baibolo ilya pa Intaneti umo ba-asuka ifipusho ifyacindama sana

• Amavidio ayepi ayalanda pa amasambililo ya mu Baibolo ayakubalilapo

• Icipande citila “Amasuko ku Mepusho ya mu Baibolo”—Mulaba fyasuko ku mepusho ayo abantu bepusha sana

• Icipande citila “Pashanyeni Icitetekelo Cabo”—Ici cipande cilalenga tule-elenganya ifyo ifintu fyali ilyo abaume na banakashi bacishinka abalembwa mu Baibalo bali aba mweo

• Icipande citila “Ifilanga Ukuti Kwaliba Kabumba”—Ici cipande cilalenga tulemona ifyo ifyabumbwa fimoneka bwino e lyo ne fyo fyapikana

Mulebelenga amalembo ya mu Baibolo ayengamukoselesha

Amalembo yalikoselesha abantu abengi. Mu nshita ya kulabelenga Amalembo ayengi pa muku umo, mulebomfya iyi nshita mushileba na bantu ku kutontonkanya sana pa Malembo mulebelenga e lyo no kulapepa sana.—Marko 1:35.

• Amalumbo 23:1-6

• Amalumbo 34:1-22

• Amalumbo 46:1-11

• Amalumbo 63:6-8

• Amalumbo 91:1-6

• Mateo 6:25-34

• 2 Abena Korinti 1:3, 4

• Abena Filipi 4:6, 7

• 1 Petro 5:6, 7

Mulesambilila pa cilelenga ifyabipa filecita mu calo

Kuti mwaishiba ifya kucita ilyo muli na mafya nga mwaishiba icalenga ifyabipa filecitika, e lyo ne fyo Lesa ali no kufumyapo ifyabipa fyonse.—Esaya 65:17.

• Cinshi Lesa Asuminishisha Ukucula?

• Bushe Impela ya Calo Naipalama?

• ● Bushe Abaume Bane Abanina Pali Bakabalwe ni Bani?

• Finshi Ubufumu bwa kwa Lesa Bukacita?

Mwilasakamikwa sana na pa tuntu utunono

Ifipande ifilanda pali aya malyashi kuti fyamwafwa nga namusakamikwa pa mulandu wa kukanaba na bantu e lyo no ‘kukanalasakamikwa.’—Mateo 6:25.

• Ifya kucita nga namusakamikwa nelyo nga muli na mafya

• Ifyo mutontonkanya kuti fyalenga mwaba ne nsansa nelyo iyo

• Ifyo twingacita pa kuti twilafuupulwa bwangu

• Ukusakamikwa pa Fyabipa Ificitika

• Amasakamika ya Ndalama

Mulepanga ifibusa

Ifibusa filalenga tuletontonkanya bwino kabili filalenga tuleba ne nsansa, maka maka ilyo tushilemonana nabo lwa mupepi. Nga ca kuti te kuti mumonane ne fibusa, kuti mulelanshanya ukubomfya intaneti nelyo ukutumishanya amafoni pa kuti mutwalilile ukuba ifibusa no kupangilapo ifibusa na fimbi. Ifipande fyakonkapo kuti fyamwafwa ukusanga cibusa wa cishinka e lyo no kuba “cibusa wa cishinka.”—Amapinda 17:17.

• Finshi filenga umuntu aba cibusa musuma?

• Ukupanga ifibusa?

• Cinshi nshakwatila ifibusa?

• Mulepeela pa kuti mulekwata ifibusa

• Muletasha pa kuti mulekwata ifibusa

Muletukusha umubili

Baibolo itila “ukutukusha umubili kwafwa.” (1 Timote 4:8) Kuti kwamwafwa ukulatontonkanya bwino pa fintu e lyo no kuba ne nsansa, maka maka nga mulingile ukuba mweka. Nangu ca kuti mulingile fye ukwikala pa ng’anda ukwabula ukuya ukuli konse, kwaliba fimo ifyo mwingalacita pa kuti muletukusha umubili.

• Mulecita ifingalenga mwaba no bumi ubusuma