Mulandu Nshi Babomfesha Ishina lya Kuti Inte sha kwa Yehova?

Yehova e shina lya kwa Lesa, e fyo Baibolo ilanda. (Ukufuma 6:3; Amalumbo 83:18) Inte muntu uulanda ifyo aishiba nelyo ifintu ifyo ashininkishe.

Kanshi ishina lyesu ilya kuti Inte sha kwa Yehova litwishibisha ukuti tuli Bena Kristu abasalwa ukulashimikila icine pali Yehova, Kabumba wa fintu fyonse. (Ukusokolola 4:11) Tushimikila ku bantu nga tulebebako ifyo twasambilila muli Baibolo e lyo na ku mibele yesu iisuma.—Esaya 43:10-12; 1 Petro 2:12