Bushe Inte sha kwa Yehova kalibumba akatendekele ku America?

Amaofeshi yesu ayakalamba yaba ku America. Lelo icilonganino cesu te kalibumba akatendekele ku America. Moneni umulandu twalandila ifi:

• Bamo batila icilonganino cesu kalibumba akafumine mu cilonganino cimbi icikalamba. Icilonganino ca Nte sha kwa Yehova tacafumine mu cilonganino icili conse. Lelo, tumona ukuti twatendeke fye cipya cipya imipepele iyalekonka Abena Kristu aba kubalilapo.

• Inte sha kwa Yehova balicincila mu mulimo uwa kushimikila imbila nsuma mu fyalo ukucila pali 230. Konse fye uko twaba, tupeela umucinshi kuli Yehova Lesa na Yesu Kristu, te ku buteko bwa mu America nelyo ubuteko ubuli bonse ubwa bantunse.—Yohane 15:19; 17:15, 16.

• Amasambilisho yesu yonse yafuma mu Baibolo, te mu fyalembwa fya bashimapepo aba mu America.—1 Abena Tesalonika 2:13.

• Tuli basambi ba kwa Yesu Kristu, tatuli basambi ba ntungulushi iili yonse pano calo.—Mateo 23:8-10.