Bushe Ishina lya kwa Lesa ni Yesu?

Icasuko ca mu Baibolo

Yesu aleyita ati, “Umwana wa kwa Lesa.” (Yohane 10:36; 11:4) Yesu talandilepo ati ali ni Lesa Wa Maka Yonse.

E lyo kabili Yesu alepepa kuli Lesa. (Mateo 26:39) Na kuba ilyo alesambilisha abasambi bakwe ifya kupepa, Yesu atile: “Shifwe wa mu muulu, ishina lyenu libe ilya mushilo.”—Mateo 6:9.

Yesu alengele abantu baishiba ishina lya kwa Lesa ilyo alandile ifyali mu Malembo ya kale aayatila: “Umfweni, mwe bana ba kwa Israele, Yehova Lesa wesu ni Yehova umo.”—Marko 12:29; Amalango 6:4.