Cinshi Inte sha kwa Yehova Bashibomfesha Umusalaba pa Kupepa?

Abantu abengi basumina ukuti umusalaba e ubeshibisha ukuti Bena Kristu. Nangu ca kuti fwe Nte sha kwa Yehova tuli Bena Kristu, tatubomfya umusalaba pa kupepa. Cinshi tatu-ubomfesha?

Ica kubalilapo ico tatubomfesha umusalaba ni co Baibolo yalanda ukuti Yesu tafwilile pa musalaba lelo afwilile pa cimuti. Na lyo line, Baibolo isoka Abena Kristu ‘ukufulumuka ku kupepa utulubi,’ icilepilibula ukuti tatulingile ukubomfya utulubi mu kupepa kwesu.—1 Abena Korinti 10:14; 1 Yohane 5:21.

Icacindama ca kuti Yesu atile: “Nga muletemwana, e lyo bonse bakeshiba ukuti muli basambi bandi.” (Yohane 13:34, 35) Ilyo Yesu alandile aya mashiwi, apilibwile ukuti icibishibisha umuntu ukuti Mwina Kristu wa cine, kutemwa kwa cine cine, te musalaba nelyo ifipasho fimbi.