Bushe Inte sha kwa Yehova abanakashi balashimikila?

Ee. Ba Nte bonse balashimikila, kumo na banakashi bene. Nga filya Baibolo yasobele, “abanakashi abalesabankanya imbila nsuma libumba ilikalamba.”—Amalumbo 68:11.

Inte sha kwa Yehova abanakashi bapashanya abanakashi abo Baibolo yalandapo. (Amapinda 31:10-31) Nangu ca kuti tababa intungulushi mu cilonganino kabili tabapepeshako, abanakashi balashimikila sana imbila nsuma. E lyo kabili balasambilisha na bana babo ifya mu Baibolo. (Amapinda 1:8) Ifyo bacita ne fyo balanda, filenga bambi ukusambililako imibele iisuma.—Tito 2:3-5.