Futunoti

a Mu Malembo ya ciHebere tamwaba ishiwi lya kuti “kampingu.” Lelo, ifyo Yobo alandile e filanga ukuti abantu balekonka kampingu yabo. Ilingi line nga balanda pe shiwi lya kuti “umutima” ninshi balelanda pa muntu wa mu kati. Ishiwi lya kuti “umutima” nga lyabomfiwa nge fi Yobo alibomfeshe, ninshi ni kampingu balelandapo. Mu malembo ya Bwina Kristu aya ciGriki, ishiwi lya ciGriki ilyo bapilibula abati “kampingu” lisangwamo imiku 30.