Futunoti

a AbaYuda bamo balisuulile bakanyuka pantu uyu mulimo walebalenga ukwikata impapa sha nama ne fitumbi fya nama e lyo ne fintu fimbi ifya bunani ifyo balebomfya mu milimo yabo. Bakanyuka balebamona ukuti bantu abakowela abashalingile ukuya pe tempele kabili uko baali no kucitila amakwebo kwali no kutaluka kwi tauni amamita ukucila pali 22. Nalimo e mulandu wine ing’anda ya kwa Simone yabelele “mu lulamba lwa bemba.”—Imil. 10:6.