Futunoti

a AbaFarise e bashingemwe apakalamba no buYuda ubwabako ilelo, kanshi tacili ca kupapa ukuti ubuYuda bucili bulafwaya umwa kutobela ifibindo ifingi ifye Sabata ifyalundwako. Ku ca kumwenako, uuletandalila icipatala ca bashiikama mu buYuda pe Sabata kuti pambi asango kuti icikwepe lintu cafika pa ntunti iili yonse cileiminina fye icine pa kuti abalimo balesengauka “umulimo” wa lubembu uwa kutinika pe batani lya kwenshe cikwepe. Badokota bamo abashiikama mu buYuda balembela abantu umuti na inki uukafuutika mu nshiku shinono. Mulandu nshi? Mishnah yabika mwi longo limo line ukulemba ukuti na o waba “mulimo,” lelo yalungatika uko “ukulemba” ukuti kwaba kusha icifwati icibelelela.