Futunoti

a Ubwina Donatus bwali cakaniko ca “Bwina Kristu” ica mu mwanda wa myaka uwalenga ine no walenga isano C.E. Abakonshi ba ici cakaniko batungile ukuti ukubomba bwino ukwa nsakalamenta kwashintilile pa mibele ya mutumikishi no kuti icalici lifwile ukutamfya abantu abasangilwe ne membu ishabipisha. Ubwina Arius bwali cakaniko ca “Bwina Kristu” ica mu mwanda wa myaka uwalenga ine icakeene bulesa bwa kwa Yesu Kristu. Arius asambilishe ukuti Lesa tafyelwe kabili takwata intendekelo. Umwana, pantu alifyelwe, te kuti abe ni Lesa mu nshila imo ine nga fintu Wishi aaba. Umwana taaliko ukufuma ku ciyayaya lelo alibumbilwe kabili ni Wishi uwalengele ukuti abeko.