Futunoti

a Abena Kristu bamo ababomba mu fipatala bafwile ukutontonkanyapo pali uyu mulandu wa maka bakwata pa cicitwa. Dokota kuti aba na maka ya kupingula umuti bafwile ukupeela umulwele nelyo umusango wa kundapa. Nangu line umulwele asumina, bushe dokota Umwina Kristu uwaba na maka ya kupingula kuti alanda shani ukuti babikemo umulopa mu muntu, nelyo baponye ifumo, cibe kale kale alishiba fintu Baibolo ilandapo pali iyi milandu? Bapusana na nasi, napamo ena taba na maka pa fya musango yo. Lintu alebomba pamo nga pe, napamo dokota kuti amweba ukupima umulopa nelyo ukubombela umulwele uwishile ku kuponya ifumo. Ukulingana ne ca kumwenako caba muli 2 Ishamfumu 5:17-19, napamo kuti atila apo te upingula ukubikamo umulopa, nelyo ukuponya ifumo, kuti abombela umulwele, filya fine abombela abantu bonse. Lelo, afwile ukutontonkanya na pali kampingu wakwe, pa kuti engaba na ‘kampingu onse umusuma kuli Lesa.’—Imilimo 23:1.