Futunoti

a Nangu ca kuti mu maBaibolo ayengi ishiwi lya ciHebere ‘eʹrets lipilibulwa ukuti “impanga” mu cifulo ca kuti “isonde,” ishiwi ‘eʹrets ilisangwa pa Amalumbo 37:11, 29 talilosha fye ku mpanga iinono iyapeelwe ku luko lwa Israele. Icitabo ca Old Testament Word Studies icalembelwe na William Wilson calondolola ishiwi ‘eʹrets ukuti “calo conse, e kuti umwaba abantu no mushaba bantu; lilosha kwi sonde, impanga iinono nelyo icalo.” Kanshi ili shiwi lya ciHebere mu kubalilapo fye lipilibula isonde ilyo twikalapo.—Moneni Ulupungu lwa kwa Kalinda ulwa January 1, 1986, ibula 31.