Futunoti

c Ilyashi lilanda pa fintu fibili ifyo balecita ifyalangile ukuti tabacindike amafunde balingile ukukonka pa kutuula amalambo. Ica kubalilapo, Amafunde yalilondolwele ifilundwa fya nama baletuula ifyo bali no kupeela bashimapepo ukuti balye. (Amalango 18:3) Lelo ifyalecitika pa cikuulwa ca mushilo ni fimbi fimbi fye. Bashimapepo imbifi bale-eba ababomfi babo ukushimpa ica kutunkwilako mu cipoto baleipikila inama, no kubuulamo umupusa batemwa! Cimbi ca kuti, abantu nga baleta amalambo ya koca pa cipailo, bashimapepo bale-eba ababomfi babo ukupoka inama iibishi ku maka ilyo bashilapeela na mafuta ya isho nama kuli Yehova.—Ubwina Lebi 3:3-5; 1 Samwele 2:13-17.