Futunoti

d Ifipaapatu apo balelemba ifya bunonshi balefibomfya sana ku shamfumu ishaleteka mu Buteko bwa Babiloni Ubwalenga Bubili. Nga ca kuti twasansha pamo imyaka yonse iyo ishi shamfumu shatekele, e lyo twapenda ukubwelela ku numa, ukutendekela pa mfumu Nabonidasi iyalekelesheko ukuteka, kuti twafika mu mwaka wa 587 B.C.E. uo basosa ukuti e mo Yerusalemu bayonawile. Lelo ukupenda imyaka muli uyu musango kuti kwabomba fye nga ca kuti ishamfumu shaletendeka ukuteka lilya line fye imo yafuma pa bufumu.