Futunoti

a Ishiwi lya mu Baibolo ilyo bapilibula ukuti “icilubula” lilosha ku ndalama nelyo icintu icacindama ico balipila. Ku ca kumwenako ishiwi lya ciHebere iya kuti ka·pharʹ lipilibula “ukufimba.” (Ukutendeka 6:14) Kabili lilosha ku kufimba pa membu. (Amalumbo 65:3) Ishiwi ilyapalako ni koʹpher kabili lilosha ku mutengo wa ndalama shilipilwa pa kufimba nelyo ukulubula. (Ukufuma 21:30) Na kabili ishiwi lya ciGriki ilya lyʹtron ilyo bapilibula ukuti “icilubula,” kuti balipilibula no kuti “umutengo wa kulubula.” (Mateo 20:28) Bakalemba abaGriki balebomfya ili shiwi nga balelanda pa kulubula umufungwa uo baleikata mu nkondo nelyo ilyo balelubula umusha.