9-11. Bushe inko shayankula shani ku kwisa kwa kwa Koreshe?

⁹ Esaya nomba alondolola ifyo ishi nko shayankula kuli uyu kacimfya wa ku ntanshi, atila: “Inaamba ne fishi fyamona no kusakama, impela sha pano isonde shatutuma; bapalama, baisa. Umuntu onse baafwana no munankwe, na kuli munyina bati, Kosa.

Esaya 41:5-

¹⁰ Imyaka 200 ku ntanshi, Yehova amwenene libela ifyo ifintu fili no kuba mu calo. Imilalo ya maka iya kwa Koreshe ilebutukisha, ukuya ilecimfya bonse abaleilwisha. Abantu bonse—ukubikako na ba pa fishi, abaikala ukwalepesha—batutuma pa kwisa kwakwe. Mwenso mwenso baumana akapi ukulwisha untu Yehova aita ukufuma ku kabanga ku kucito bupingushi. Baesha ukukoseleshanya, abati: “Kosa.”