-
Bushe Mwalicindika Ubumi Nge Fyo Lesa Abucindika?“Ikalilileni mu Kutemwa kwa kwa Lesa”
-
-
16. Mashiwi nshi ayatutungulula aya mu Baibolo ayalanda pa kuponya ifumo? (Moneni na futunoti.)
16 Nangu fye bumi bwa mwana uushilafyalwa bwalicindama kuli Lesa. Ku bena Israele, nga ca kuti umuntu acita icabipa ku mwanakashi uuli ne fumo ica kuti uyu mwanakashi afwa nelyo umwana uuli mwi fumo afwa, Lesa alemona uyo muntu ukuti ni kepaya, kabili ali no kupeela “umweo pa mweo.”c (Belengeni Ukufuma 21:22, 23.) Elenganyeni kanshi ifyo Yehova omfwa ilyo abantu abengi baleponya amafumo ku mufulo cila mwaka pa kuti ifintu fibawamine nelyo pa kuti batwalilile ukucita ubulalelale!
17. Kuti mwasansamusha shani uwaponeshepo ifumo ilyo ashilasambilila amafunde ya kwa Lesa?
17 Inga ca kuti umwanakashi aliponeshepo ifumo ilyo ashilasambilila icine? Bushe ninshi calilaala calipwa Lesa takamubelele uluse? Awe! Na kuba, uwalapila no mweo onse, kuti acetekela ukutila Yehova kuti amwelela pa mulandu wa mulopa uo Yesu asuumishe. (Amalumbo 103:8-14; Abena Efese 1:7) E co Kristu umwine alandiile ati: “Nshaisa ku kwita abalungami iyo, kano ababembu ukuti balapile.”—Luka 5:32.
-
-
Bushe Mwalicindika Ubumi Nge Fyo Lesa Abucindika?“Ikalilileni mu Kutemwa kwa kwa Lesa”
-
-
c Abasambilila ifya kulondolola amashiwi ya mu Baibolo batila nga kukonka ifyo aya mashiwi ya ciHebere yalembwa, “cimoneka ukwati tayalanda fye pa kucita icabipa ku mwanakashi epela.” Ico tulingile ukwishiba na kabili ca kuti Baibolo tailanda ukuti Yehova pa kupingula alolesha fye pa bukalamba bwa mwana uuli mwi fumo.
-