Ku ca kumwenako, pali programu yali pa mulabasa wa BBC iyo baleita ati Bible Mysteries, “The Real Mary Magdalene” yatile ifyalembwa fya Apocryphal filanga ukuti Maria Magadala e “walesambilisha no kutungulula abasambi mu fya kwa Lesa. Tali fye musambi wa kwa Yesu, lelo e wali umukalamba pa batumwa.” Juan Arias alembele pali Maria umwina Magadala mu nyunshipepala ya mu Brazil iya O Estado de S. Paulo ukuti: “Ifyalembwa ifyo basanga muno nshiku filanga ukuti ilyo Yesu atendeke ubuKristu, mwafulile sana ‘abanakashi’ pantu amayanda ya banakashi e yali amacalici, kabili umu mwine e mo balesubila na bashimapepo na bashikofu.”