² Baibolo yena tayapita na mu mbali, itila: “Uule-enda na ba mano akaba uwa mano, lelo uwangala na bawelewele akacula.” (Amapinda 13:20) Ili ipinda talilanda pa kumfwana kwa patali patali. Amashiwi ya kuti “uule-enda na” yalola mu kuti ukula-angalila pamo.a Icitabo cimo icilanda pali Baibolo cilanda pali ici cikomo aciti: “Ukwenda no muntu, kutemwa uyo wine muntu.” Na kuba, abo tufwaya ukupashanya bantu abo twatemwa! Kanshi apo tulafwaya sana ukuba na bantu abo twatemwa, tulatendeka ukucita filya fine bacita, ifisuma nelyo ifibi.