Nomba menshi nshi Yesu alelandapo? Tontonkanyeni pa fyo Baibolo ilanda ukuti e fyacitike ilyo Yesu ashilatendeka ukulanda na Nikodemo e lyo na lintu apwishishe ukulanda nankwe. Itila Yohane Kabatisha na basambi ba kwa Yesu balebatisha abantu mu menshi. (Yohane 1:19, 31; 3:22; 4:1-3) Ishi mbatisho shalishibikwe sana mu Yerusalemu. Kanshi ilyo Yesu alandile pa menshi, Nikodemo afwile alilwike ukuti Yesu talelanda pa menshi fye, alelanda pa menshi ya lubatisho.a