Ifya Kubilisha

◼ Impapulo sha kushiila abantu mu July na August: Kuti mwashalika amabroshuwa ayali yonse ayakwata amabula 32 pamo nga: Bushe Lesa mu Cituntulu Alatusakamana?, Ipakishe Ubumi pe Sonde kuli Pe na Pe!, Mulelola!, “Moneni! Ifintu Fyonse Nafilenge Fipya,” Kamfulumende Iikaleta Paradise, Cinshi Cicitika Nga Twafwa?, Cinshi Caba Imifwaile ya Bumi—Ni Shani Fintu Wingaisanga?, na Ilyo Untu Watemwa Afwa. Amabroshuwa yakonkapo kuti mwashiila abantu nga mwamona ukuti nacilinga ukubashiila: Imipashi ya Bafwa—Bushe Kuti Yakwaafwa Nelyo Ukukucena? Bushe mu Cituntulu Eko Yaba?, na Bushe Mwalisanga Inshila Iitwala ku Mweo wa Muyayaya? September: Bushe Cinshi Baibolo Isambilisha? Mukabombeshe ukutendeka amasambililo ya Baibolo pa muku wa kubalilapo mwatandala. Nga ca kutila abo muleshimikila balikwata kale ici citabo, balangeni ifyo benganonkelamo muli ici citabo pa kubalangilila mu kwipifya ifyo isambililo lya Baibolo liba. Na kabili tukalashalika icitabo ca kuti Pepeni Lesa Wine Wine Eka. Mukwai mukabombeshe ukubomfya ishi mpapulo mwi bala muli uyu mweshi. October: Tukalashalika bamagazini bonse babili, Ulupungu lwa kwa Kalinda na Loleni! Abalefwaya ukusambilila bapeeleni trakiti atila Bushe Kuti Mwatemwa Ukwishiba na Fimbi Pali Baibolo? Tukalafwaya ukutendeka ukusambilila na bo Baibolo. Tukalashalika ne citabo citila Icaba Inkaama ku Nsansa sha Lupwa. Mukabombeshe ukushalika ishi mpapulo muli uyu mweshi.

◼ Apo umweshi wa August ukwete Ifibelushi fisano ne nshiku sha pa Mulungu shisano, kuti wawama sana ukubombamo bupainiya bwa kwafwilisha.

◼ Ukutendeka mu September, bakangalila ba muputule bakalalanda ilyashi lya ku cintubwingi ilya mutwe wa kuti “Enda Muli Bumpomfu.”

◼ Ukupenduluka kwa pa mwaka ukwa mpapulo shonse isho mukwete na bamagazini abali pa cilonganino mukapende pa 31 August, 2008 nelyo pa bushiku bumbi ubupalemeko sana. Uku kupenda kwalipalana na kulya kampanya apenda ifitabo fyonse ifilipo pa mpela ya cila mweshi, kabili mufwile ukulemba ifitabo fyonse ifilipo pali formu wa Ukupenda Ifitabo (S-18). Ipusheni munyina uubombela kuli bamagazini amwebe impendwa ya bamagazini balipo. Kalemba uwaba mu cilonganino icampanya e ufwile ukwangalila uku kupenda. Kangalila wa kutangilila na kalemba ababa mu cilonganino icampanya bakasaina uyu formu. Icilonganino cimo na cimo icampanya cikapokelela amaformu yatatu aya Ukupenda Ifitabo. Mukwai mukatume formu wa kubalilapo kwi ofeshi lya musambo ilyo September 6 ishilafika. Sungeni formu wa bubili mu mafaelo yenu. Ilyo mulependa nalimo kuti mwabomfya formu wa butatu.

◼ Amaformu aya kubomfya mu Mwaka onse uwa Mulimo uwa 2009 yali no kutumwa nomba line ku filonganino fyonse. Nga mulefwaya amaformu na yambi kuti mwaorda pali formu ya S-14. Mukwai amaformu yonse mufwile ukuyabomfya fye ku mulimo wa yako.

◼ Imisangulo ya kwafwilisha umulimo wa mwi sonde lyonse tamufwile ukuitwala mu cipao ca cilonganino; iyi misangulo yonse ifwile ukutumwa kwi ofeshi lya musambo.

◼ Icitabo ca kuti Ico Baibolo Isambilisha e co tufwile ukubomfya ukutendeka no kutungululwilamo amasambililo ya Baibolo, ukucila ukubomfya broshuwa wa Cintu Lesa Afwaya. Kuti twatwalilila ukulashalika aya mabroshuwa ukufikila yonse yakapwe.