Ifya Kubilisha

◼ Impapulo sha kushiila abantu mu August: Amabroshuwa ya mabula 32 ayatantikwe pe samba kuti mwashiila abantu nga namukwata: Bushe mu Cituntulu Lesa Alatusakamana?, Ipakishe Ubumi pe Sonde kuli Pe na Pe!, Mulelola!, “Moneni! Ifintu Fyonse Nafilenge Fipya,” Kamfulumende Iikaleta Paradise, Cinshi Cicitika Nga Twafwa?, Cinshi Caba Imifwaile ya Bumi—Ni Shani Fintu Wingaisanga?, e lyo ne ya kuti, Ilyo Untu Watemwa Afwa. Amabroshuwa yakonkapo kuti mwashiila abantu nga mwamona ukuti nacilinga ukubashiila: Imipashi ya Bafwa—Bushe Kuti Yakwaafwa Nelyo Ukukucena? Bushe mu Cituntulu Eko Yaba?, ne ya kuti Bushe Mwalisanga Inshila Iitwala ku Mweo wa Muyayaya? September: Tukalashalika icitabo babilishe mu Ubutumikishi Bwesu Ubwa Bufumu ubwa July 2008. October: Tukalashalika bamagazini bonse babili, Ulupungu lwa kwa Kalinda na Loleni! Abalefwaya ukusambilila bapeeleni trakiti itila Bushe Kuti Mwatemwa Ukwishiba na Fimbi Pali Baibolo? Tukalafwaya ukutendeka ukusambilila na bo Baibolo. Tukalashalika ne citabo citila Icaba Inkaama ku Nsansa sha Lupwa. Mukabombeshe ukushalika ishi mpapulo muli uyu mweshi. November: Mu milungu ibili iya kubalilapo mulingile ukupwisha ukupeela abantu trakiti ya kampeni. E lyo imilungu ibili iya kulekelesha, mukaleshiila abantu icitabo ca kuti, Bushe Cinshi Baibolo Isambilisha? Bombesheni ukutampa amasambililo ya Baibolo.

◼ Pa kuorda impapulo umuku ukakonkapo, ifilonganino filingile ukuorda na 2009 Kalenda wa Nte sha kwa Yehova (iikaba mu Chichewa, mu Cibemba, mu ciNgeleshi na mu ciSwahili), e lyo na 2009 Yearbook of Jehovah’s Witnesses (mu ciNgeleshi na mu ciSwahili).

◼ Ifilonganino tafilingile ukuorda ututabo twa Ukubebeta Amalembo Cila Bushiku—2009 pantu bakatutumina ukulingana ne mpendwa ya Ubutumikishi Bwesu Ubwa Ubufumu ubo tupokelela mu ndimi shesu. Nomba na lyo line, nga ca kuti ifilonganino filefwaya ukulundako impendwa nangu ukubikapo indimi na shimbi, balingile ukuorda no kulangilila bwino ukuti “Iyi orda ya kulunda pa mpendwa ya fyo mukatutumina.”

◼ Tuleibukishako baeluda ukukonka ifyebo fyaba mu Ulupungu lwa kwa Kalinda ulwa April 15, 1991, amabula 21-23, ifilanda pa kutandalila abatamfiwa na baifumya abalemoneka ukuti balefwaya ukubweshiwa.

◼ Pa kuti twingafwa bakasabankanya na bengatemwa ukusambilila Baibolo impofu e lyo na bashimona bwino lelo abaishiba ukubelenga ifilembo fya mpofu na bakwata amakompyuta umo bakopela amashiwi ayomfwika nga baisula, nababapekanishisha utumaseleti twa fyebo umo bakopela ifilembo fya mpofu ifya Ulupungu lwa kwa Kalinda ulwa kuti bengalabomfya abene. E lyo pa tumaseleti twa fyebo uto tukwete pali no Ulupungu lwa kwa Kalinda ulwa bantu bonse no lwa kusambililamo ulwa musango witwa ukuti Grade 2 nangu mu ciNgeleshi ica supula ifilembo fya mpofu. Ifi ifyebo fikatumwa muli e-mail ku balefifwaya. Abalefwayako Ulupungu lwa kwa Kalinda muli uyu musango wa filembo fya mpofu kuti baeba kalemba wa cilonganino cabo ukuti akalembele ku Watch Tower, Box 33459, Lusaka. Attention: Braille Desk. Muli kalata mulingile ukuba ishina lya muntu na adresi yakwe, no musango wa mashini akwata, e lyo na e-mail adresi yakwe, no kulangilila nga ca kuti alabelenga ifilembo fya mpofu ifya mu ciNgeleshi. Nomba nga ca kuti uyo muntu takwata e-mail ninshi kuti mwatutumina e-mail adresi iya muntu umbi uwingapokelela ifyebo no kutuma ku mwine.

◼ Impapulo Ishipya Ishilipo:

Watch Tower Publications Index 2007 (dx07)—American Sign Language

◼ AmaKompakiti Diski ayapya pali MP3:

Live With Jehovah’s Day in Mind (mpjd)—mu ciNgeleshi