“Lintu [umukwau] waiswile, baukuliile pa lulamba, kabili, ilyo baikele, balongenye ilisuma mu fipe, lelo ilibi balilipoosele.

Nalimo kuti ‘bakulilwa ku lulamba,’ lelo Yesu atile bantu fye ababa kwati lisabi “ilisuma” e bo balonganika mu fipe, ifimininako ifilonganino fya Bena Kristu.

Kanshi nacicindama ukuti bonse abafumacumi basumine ukubalonganika mu filonganino ifyo Yesu apashenye ku fipe ilyo ubushiku bwa bupingushi ubwa kulekelesha bushilafika. Kabili nga balonganikwa mu filonganino balingile ukwikala mu kati pa kuti bengacingililwa.