-
Kuti Mwacita Shani pa Kuti Muleba na Kampingu Iisuma?“Ikalilileni mu Kutemwa kwa kwa Lesa”
-
-
7. Mulandu nshi kampingu limo ingatulufisha?
7 Na lyo line, kampingu limo limo kuti yatulufya. Mulandu nshi twasosela ifi? Nga filya fine tulandilepo mu cilangililo, nga twafilwa ukukonka ifilelanda uuletutungulula, nangu natukwata tochi, te kuti itwafwe ukulondoka. E fyo caba na kuli kampingu. Nga ca kutila twakonkelela fye ifilefwaisha imitima yesu, kampingu tayakatwafwe nangu panono ukucita icalungama. Na kabili, nga ca kuti kampingu yesu tailekonka ifyo Icebo ca kwa Lesa cilanda, kuti twalafilwa no kulekanya icalungama ku cabipa mu fintu ifingi ifyacindama. Kanshi pa kutila kampingu ilebomba bwino, tulakabila ukulatungululwa no mupashi wa mushilo uwa kwa Yehova. Paulo alembele ati: “Kampingu wandi ambela ubunte mu mupashi wa mushilo.” (Abena Roma 9:1) Nomba, finshi twingacita pa kuti kampingu yesu iletungululwa no mupashi wa mushilo uwa kwa Yehova? Tulingile ukuisambilisha bwino.
-
-
Kuti Mwacita Shani pa Kuti Muleba na Kampingu Iisuma?“Ikalilileni mu Kutemwa kwa kwa Lesa”
-
-
b Baibolo isosa ukuti nga ca kuti kampingu yatusuminisha ukucita icintu cimo te kutila ninshi cili fye bwino. Ku ca kumwenako, Paulo atile: “Ndi wa kaele. Nomba ici tacinenga ukuba uwalungama iyo, lelo uumpingula ni Yehova.” (1 Abena Korinti 4:4) Nangu ni balya bene abacusha Abena Kristu, nga filya Paulo alecita kale, kuti balecita ifyo na ku mutima tuutu no kulatontonkanya ukuti ukucita ifi e kumfwila Lesa. Kanshi, calicindama ukuti ifyo kampingu yesu yatuminisha ukucita fintu ifyo na Lesa engatusuminisha ukucita.—Imilimo 23:1; 2 Timote 1:3.
-