Alyebele abasambi bakwe ifyo balingile ukucita nga baleka ukulya, lelo tabapeele ifunde ukuti baleleka ukulya. (Mateo 6:16-18; 9:14)

E lyo na kabili kuti caba cilubo ukulaeba abantu ukuti mulaleka ukulya, nelyo ukulaleka ukulya pantu fye umuntu amweba ukuti muleleka ukulya. Nge fyo calembwa pali Mateo 6:16-18, Yesu afundile ukuti ukuleka ukulya kufwile ukuba mu bumfisolo, pa kati kobe we mwine na Lesa, kabili atile te cintu ca kubilisha kuli bambi.