“Lelo umulanda [kabili uwa mutima wabipilwa, NW], uusakama pa cebo candi, e o nyangwa.” (Esaya 66:2b)

6. Ni mu nshila nshi Abena Kristu ba cine bafwile ‘ukusakama pa cebo ca kwa Lesa’?

⁶ Kabili, Yehova angwa kuli abo ‘abasakama pa cebo cakwe.’ Bushe ici cilolele mu kuti afwaya ifwe ukulatutuma ku mwenso ilyo lyonse twabelenga ifyebo fyakwe? Iyo, lelo afwaya ifwe ukuba na katiina ku fyo asosa. Mu cishinka tufwaya ukufunda kwakwe, ukuti kuletutungulula muli fyonse ifyo tucita. (Amalumbo 119:105) Na ifwe kuti ‘twasakama,’ mu nshila ya kuti twasakamikwa pa kukanaumfwila Lesa, ukukowesha icine cakwe ku fishilano fya bantu, nelyo ukucipeelula. Ukuicefya kwa musango yo kwalicindama mu kupepa kwasanguluka—lelo, ku ca bulanda, takwaseeka mu calo pali lelo.