Twalebomfya Motoka Yaliko Ifisoselo pa Kushimikila

Pa kusabankanya Ubufumu bwa kwa Lesa, twalebomfya sana motoka yakwete ifisoselo. Mu musumba wa Townsville, uwaba ku kapinda ka ku kuso aka citungu ca Queensland, bakapokola balitusuminishe ukwimika motoka pa ncende imo mu tauni. Lelo ilyashi twalesabankanya lyalikalifye abalepepa mwi calici lya Salvation Army, abatwebele ukufumamo. Ilyo twakeene, abantu basano batampile ukusunkanya sana motoka yesu. Iyo nshita ninshi ndi mu kati ndelisha icilimba ca maseleti! Twamwene ukutila te kuti ciwame ukukansana na ba bantu, e ico, ilyo balekele ukusunkanya motoka, twalifuminepo palya twali.

[Icikope pe bula 9]

Motoka yaliko ifisoselo iyo twalebomfya ku kapinda ka ku kuso aka Queensland