mu calo ca Germany mwena kwabelele mu misumba isano—ku Dortmund, ku Frankfurt, ku Hamburg, ku Leipzig, e lyo na ku Munich.

Abantu abengi bali-ipeeleshe ukubomba umulimo wa kuwamya mu kati ka fibansa na ku nse pa kuti bakalonganine umusuma. (Amalango 23:14) Ukulandako fye icacitike cimo, baNte ba ku Leipzig balibombele umulimo uusuma sana uwa kuwamya icibansa, kabili batile na pa numa ya kulongana bakawamyamo mu cibansa. Ici calengele ukuti abene ba cibansa batile kanshi mwikalipila na shilya indalama mwali no kulipila isha kuwamisha.

Abasangilwe ku kulongana kwa citungu ku Munich bena batile: “Nangu ca kuti tatwalelanda ululimi lumo, calimoneke ukuti twalitemwana.”

Ku ncende ya Bavaria iyabela mu mishi, abatandashi baleti apo basanga Ing’anda ya Bufumu baiminina, kabili baNte balebapokelela bwino sana. Umo uushili Nte uwatwele bamunyinefwe mu kutandala alitemenwe sana ilyo amwene ifyo balebapokelela bwino. Munyinefwe umo atile: “Ilyo twali muli basi pa kubwelela ku hotela uko twaleikala, uwatutandeshe alandile ukuti tatwali nga abantu bambi abo atandashapo. Ifwe twalifwele bwino, kabili bonse twalekonka ifyo uuletutungulula alelanda. Takwali abalelanda amashiwi yabipa kabili takwali ne cimfulumfulu. Alipapile ukumona abantu abashaishibana baba ifibusa mu kashita fye akanono.”

Pa kulongana kwali ku Germany, balandile amalyashi mu ndimi na shimbi 18. Ku Dortmund balandile amalyashi mu ciArabic, iciFarsi, iciPortuguese, iciSpanish, ne cina Russia; ku Frankfurt balandile mu ciNgeleshi, iciFrench, ne ciSerbian/Croatian; ku Hamburg balandile mu ciDanish, iciDutch, iciSwedish, ne ciTamil; ku Leipzig balandile mu ciChinese, iciPolish, ne ciTurkish; e lyo ku Munich balandile mu ciGriki, iciItalian, e lyo na mu Lulimi lwa ba Cibulu ulwa ku Germany.

[Icikope pe bula 9]

Abafumine ku Croatia abalonganine ku Frankfurt balitemenwe sana ilyo Baibolo ya “Calo Cipya” yafumine mu lulimi lwabo lwine