Ukubilisha

◼ Ulupapulo lwa kutambika mu December: Tambikeni icitabo ca Umuntu Wakulisha Uwabalile Abako uwa Mweo. Nga tamukwete kuti mwashalika fimbi pamo nga: Baibolo—Cebo ca kwa Lesa Nelyo ca Muntu?, nangu Icitabo Candi ca Malyashi ya mu Baibolo. January: Icitabo conse ica mabula 192 icapulintilwe pa mapepala ayacucuka nelyo ayabutulukila nangu conse icalembelwe pa ntanshi ya 1990 kuti catambikwa. Nga tamukwete ifi pa cilonganino cenu, kuti mwamona ifilonganino mwaba na fyo mupepi nga nabakwata ifingi kuti mwapokako no kubomfya. Ifilonganino ifishikwete ifitabo fya kale kuti batambika icitabo ca Ukusapika Lesa Ukwa Mutundu wa Muntu. February: Palameni Kuli Yehova. Nga tamukwete ulu ulupapulo, kuti mwashalika icitabo ca kuti Life—How Did It Get Here? By Evolution or by Creation? Nangu icitabo ca Ukusokolola—Akalume ka Kuko Kakalamba Nakapalama. March: Tambikeni broshuwa wa Mulelola. Nga ca kuti abantu balefwaya ukusambilila, balangeni icitabo ca Ukwishiba no kwesha ukutendeka isambililo lya Baibolo.

◼ Ifishibisho fya kwitilapo abantu ku Cibukisho mu 2005 fili no kutumwa ku filonganino fyonse mu lulimi ululandwa sana ne cilonganino cimo cimo. Nga ca kuti mu cifulo cenu mwaliba abalanda indimi shimbi kabili nga kuti mwafwaya ukumutuminako ifi fishibisho muli isho ndimi, mulingile ukulemba bwangu bwangu ifyo mulefwaya pali formu wa kuordelapo impapulo uwa S-14. Ifishibisho fya kwitilapo abantu ku Cibukisho fikaba muli ishi ndimi: IciNgeleshi, IciTonga, Icichewa, Icibemba, ciKaonde, IciLozi ne ciLubale. Kuti cawama mwalomba ukumutumina fye indimi ishilekabilwa mu ncende yenu.

◼ Mukwai ishibeni ukuti mu mwaka wa 2006, Icibukisho cikaba pali Citatu, pa April 12, akasuba nga kawa. Twamwishibisha mu kubangilila pa kuti mukatampe ukupekanya ukumona uko mukalonganina nga ca kuti ifilonganino ifingi fibomfya Ing’anda ya Bufumu imo. Nga mukabomfya icifulo cimbi, baeluda balingile ukusuminishanya na bene ba cikuulwa ukushininkisha ukuti takwakabe imilimo imbi mu cikuulwa iikapumfyanya pa kuti ukusefya Icibukisho kukende mu mutende kabili mu nshila isuma.

◼ Pa mulandu wa bucindami bwa Cibukisho, baeluda balingile ukusala eluda uwafikapo nga nshi ukulanda ilyashi ukucila ukuti cileshingulukamo muli baeluda nangu ukulabomfya fye umo wine imyaka yonse. Nga pali eluda uwasubwa uwingalanda ilyashi, alingile ukupeelwa uyu mulimo.

◼ Ukutendeka no mulungu wa June 27, 2005, tukalasambilila icitabo ca Angweniko ku Kusesema kwa kwa Daniele! pe Sambililo lya Citabo pa Cilonganino.

◼ Ama-CD Ayapya ayalipo:

Marked for Survival (cdme-E)—IciNgeleshi

Appreciating Our Spritual Heritage (cdoh-E)—IciNgeleshi

Preserving Life in Time of Famine (cdpv-E)—IciNgeleshi

Doing What Is Right in Jehovah’s Eyes (cdft-E)—IciNgeleshi

Why Respect Theocratic Arrangements? (cdth-E)—IciNgeleshi

Doing God’s Will With Zeal (cdze-E)—IciNgeleshi

Ifya Kutwafwa Ukutaluka ku Mulopa

Bakasabankanya ababatishiwa abakwata kardi wa Advance Medical Directive/Release nelyo Identity Card uushakwatapo ubushiku apulintilwe nelyo uwalembwapo ubushiku bwa 3/99 tabafwile ukulemba kardi umbi uno mwaka. Pa Kulongana kwa Mulimo ukwa mulungu wa December 27, kalemba afwile ukukwata amakardi ayakumanina aya kupeela bakasabankanya ababatishiwe nomba line, abana babo, na balefwaya ukupyanikishapo amakardi ayapya. Ifilonganino tafyakatuminwe aya makardi. Nga ca kutila icilonganino tacikwete amakardi yakumanina, kalemba kuti aipusha ifilonganino fya mupepi nelyo kuti aorda amakardi yalundwapo ukubomfya orda wa cilonganino uukonkelepo.

Mufwile ukulemba bwino bwino pali kardi ku ng’anda lelo MWISAINAPO. Pe Sambililo lya Citabo ilikonkelepo, e po amakardi yafwile ukusainwa kuli imwe na kuli bakambone, e lyo no kulembwapo inshiku. Nga cakabilwa kangalila we sambililo lya citabo kuti ayafwilishako muli fi. Bakambone bafwile ukumonako uko umwine wa kardi alesaina.

Bakasabankanya abashabatishiwa kuti bailembela amakardi yabo abene no kulembela abana babo pa kukopolola ifyebo fyaba pali Advance Medical Directive/Release card, na Identity Card.