17. Bushe kuti twabuula shani “ica kucingo umutwe ice pusukilo”?

¹⁷ Ilyo Paulo apwishishe ukulondolola ifya bulwi fya kwa Lesa, afundile Abena Kristu ukuti: “Buuleni ne ca kucingo mutwe ce pusukilo, no lupanga lwa mupashi, e kutila, icebo ca kwa Lesa.” (Abena Efese 6:17)

18. Mulandu nshi tulingile ukubikila sana amano ku kubelenga Baibolo cila bushiku?

¹⁸ Na cimbi icingatucingilila ku matunko ya kwa Satana ne fibanda fyakwe cebo ca kwa Lesa, nelyo ubukombe ubwaba mu Baibolo. E mulandu wine tulingile ukubikila amano sana ku kubelenga Baibolo cila bushiku. Ukwishiba bwino sana Icebo ca kwa Lesa kuti kwatucingilila ku bufi bwa kwa Satana, ku malyashi ya bufi ayo abantu abatunkwa ne fibanda bakubanya, na ku malyashi yabipa ayo abasangu basabankanya.